2019 жылғы 02-06 қыркүйек күндері құрамында ҚР Ұлттық фтизиопульмонологиялық ғылыми орталығы мен ҚР Санитарлық-эпидемиологиялық сараптама және мониторинг ғылыми-тәжірибелік орталығы мамандары бар жұмыс тобы Маңғыстау облысындағы туберкулезбен күрес бойынша өткізілген іс-шараларға жоспарлы мониторинг жүргізді.

7 адамнан тұратын комиссия құрамына ҚР ДСМ ҰФҒО-ның ординатор дәрігері М.А.Жапаркулова жетекшілік етті. 

Мониторингтік сапардың мақсаты: 2019 жылдың 7 айының қорытындысы бойынша туберкулезге қарсы іс-шаралардың орындалуына мониторинг жасап, бағалау және Маңғыстау облысының Ұлттық туберкулезге қарсы бағдарламасы индикаторларына қол жеткізу  іс-шараларының  бірлескен жоспарын құру.

Сапар барысында ОТҚД, Маңғыстау облысы тұтынушылар құқығын қорғау департаменті, 1 және 2 Ақтау қалалық емханалары, "Ясин", "Нейрон", "Сенім","MEDIKER", Маңғыстау облысы ҚАЖД ГМ172/10 мекемесіне және Бейнеу аудандық орталық ауруханасына мониторингтік тексеру жүргізілді. Сондай-ақ, Маңғыстау облысының денсаулық сақтау басқармасы басшысы А.А.Сағымбаевпен кездесу өткізілді және Облыстық туберкулезге қарсы диспансер базасында облыс БМСК желілері мамандары үшін 3 күндік семинар, 06 қыркүйек күні БМСК басшылары орынбасарлары мен мамандарының, облыс фтизиатрларының қатысуымен кеңес өткізілді.

Сапар соңында комиссия мүшелері ОБЛЫСТЫҢ туберкулезге қарсы қызметіндегі жетістіктер мен проблемаларға, кемшіліктерге тоқталды, кеңестер берді.